डिप्रेशनमधून बाहेर पडण्यासाठी झाली योगाची मदत, कोल्हापूरच्या महिलेनं सांगितला अनुभव

महाराष्ट्र एक्सलेंस अवॉर्ड 2023 हा पुरस्कार हर्षदा यांना खरंतर त्यांच्या योगा क्षेत्रातील उत्कृष्ट कामगिरीबद्दल जाहीर झाला आहे. पूर्णपणे कन्नड भाषिक असून सुद्धा कोल्हापुरात स्थायिक झाल्यानंतर मराठीतून योगाचे अधिकृत शिक्षण त्यांनी घेतले. त्यानंतर पुढे त्या योगाचे महत्त्व लोकांना पटवून देत आहेत. सध्या त्या एक प्रायव्हेट जिम ट्रेनर म्हणून काम करतात. तर एका फिटनेस सेंटरमध्ये काम करत त्या स्वतःही योगा क्लास घेतात. हे करत असतानाच त्यांनी स्वतःचं योगा क्षेत्रातील यूट्यूब चॅनलही काढले आहे. याद्वारे त्या मराठीतून योगाचे महत्त्व सर्वांना समजावून सांगत असतात. ह्युमन राईट मिरर या संस्थेने त्यांच्या याच कार्याची दखल घेऊन यंदाचा महाराष्ट्र एक्सलेंस पुरस्कारासाठी त्यांच्या नावाची घोषणा केलीय.