Swelling : डोळ्यांखाली सूज येण्याची ही आहेत कारणं, आहारात बदल गरजेचा

डोळ्यांखाली सूज येण्याची कारणं

1. जास्त मीठ खाल्ल्यानं सूज येते

मीठ जास्त खाल्ल्यानं शरीरात पाणी साचून राहू शकतं. जास्त पाण्यामुळे चेहरा आणि शरीरावर सूज येते. जास्त मसालेदार अन्न खाल्ल्यानंतरही डोळ्यांभोवतीच्या पातळ त्वचेवर सूज येण्याची शक्यता जास्त असते.

डोळ्यांखाली येणारी सूज कमी करण्यासाठी आहारातलं मीठ कमी करा. मीठ जास्त असलेले प्रक्रिया केलेले आणि पॅकेज केलेले पदार्थ मर्यादित करा किंवा खाणं टाळा. सोडियम बाहेर टाकण्यास मदत करण्यासाठी भरपूर पाणी प्या.

2. रडण्यामुळे येते डोळ्यांना सूज

रडण्यामुळे डोळ्यांभोवती द्रव जमा होतो, ज्यामुळे तात्पुरती सूज येते. कधीकधी डोळ्यांखालील सूज नंतर निघून जाते.

3. अपुरी झोप

झोप पुरेशी झाल्यानं डोळ्यांखाली सूज येऊ शकते. यामुळे डोळे लाल होऊ शकतात आणि डोळ्यांखाली काळी वर्तुळं येऊ शकतात. इतर लक्षणांमध्ये त्वचा फिकट होऊ शकते. झोपेच्या अभावामुळे डोळ्यांभोवतीचे स्नायू कमकुवत होऊ शकतो. यामुळे डोळ्यांखालील कोलेजन - लवचिक ऊती - नष्ट होऊ शकतात. यामुळे त्या भागात द्रव जमा होतो, ज्यामुळे डोळ्यांखालचा भाग सुजतो.

4. अ‍ॅलर्जी

अ‍ॅलर्जीमुळे सायनसमध्ये आणि डोळ्यांभोवती द्रव जमा होऊ शकतो. यामुळे डोळ्यांखाली सूज येऊ शकते.  अ‍ॅलर्जीमुळे डोळे लाल होतात, खाज येऊ शकते आणि डोळ्यातून पाणी येऊ शकतं.

5. धूम्रपान

सिगारेट किंवा सिगार ओढल्यानं डोळ्यांत जळजळ होऊ शकते. यामुळे तुमच्या डोळ्यांतून पाणी येऊ शकतं, ज्यामुळे डोळ्यांखाली सूज येऊ शकते. डोळ्यांना सूज येणं आणि इतर लक्षणं टाळण्यासाठी धूम्रपान करणं टाळा.