पोटाच्या आजारांपासून ते केसगळतीपर्यंत, मोसंबी आरोग्याला खूपच फायदेशीर, महत्त्वाची माहिती

बीड : आरोग्यासाठी लाभदायक म्हणून मोसंबीला अनन्यसाधारण, असे महत्त्व प्राप्त झालेला आहे. आरोग्यासाठी उत्तम मानल्या जाणाऱ्या मोसंबी या फळाचा रस तुम्ही रोज सकाळी रिकाम्या पोटी सेवन केल्यास अति उत्तम मानले जाते. बद्धकोष्ठतेपासून आराम मिळण्यासही मोसंबी खूप मदत करते. पोटाच्या सर्व समस्यांपासून दूर ठेवण्यासाठी आणि आजारांपासून दूर ठेवण्यासाठी हे फळ अत्यंत उपयुक्त आहे. इतकेच नव्हे तर विषारी पदार्थ काढून टाकणे आणि तुम्हाला तंदुरुस्त ठेवते. त्यामुळे मोसंबीचे नेमके काय फायदे आहेत, शरीराला मोसंबी कशी फायदेशीर आहे, याचबाबत आपण आज जाणून घेऊयात. आरोग्य तज्ञ शेषेराव पवार यांनी लोकल18 शी बोलताना मोसंबीचे फायदे सांगितले.

मोसंबीमध्ये कॅलरी आणि फॅट कमी असते. जर तुम्हाला वजन कमी करायचे असेल तर तुम्ही तुमच्या आहारात मोसंबीचा रस समाविष्ट करू शकतात. यामुळे वजन कमी करण्यास मदत होऊ शकते.