Trending:

Heart Care : हृदय निरोगी ठेवण्यासाठी लक्षात ठेवा या गोष्टी, जीवनशैलीतले बदल ठरतील उपयोगी

Published by:Renuka Joshi

Last Updated:February 26, 2025 5:45 PM IST

हृदयाचं आरोग्य चांगलं ठेवण्यासाठी रोज चांगल्या सवयींचा अवलंब करणं गरजेचं आहे. जीवनशैलीतले काही बदल हृदयाचं आरोग्य चांगलं ठेवण्यासाठी आणि हृदय वर्षानुवर्षे तरुण राहण्यासाठी महत्त्वाचे आहेत.

मुंबई : सोशल मीडियावर आपण अनेकदा हृदयविकाराचा झटका किंवा पक्षाघाताचा झटका आल्यानं झालेले परिणाम याविषयी वाचतो, याचे व्हिडिओ पाहून वाईटही वाटतं. असा प्रसंग टाळण्यासाठी हृदयाचं आरोग्य चांगलं ठेवणं खूप महत्त्वाचं आहे. कारण हृदयाचं आरोग्य चांगलं राहिलं तर आपली प्रकृती चांगली राहते. जीवनशैलीतले काही महत्त्वाचे बदल यासाठी उपयुक्त ठरु शकतात.

निरोगी हृदयासाठी हे बदल नक्की करा -

तुमच्या आहारात फायबरचा समावेश करा. तांदूळ, क्विनोआ, ओट्स आणि बार्ली यासारखे पदार्थ आपल्या आहारात असू द्या.
फायबर व्यतिरिक्त, बी जीवनसत्त्व, मॅग्नेशियम आणि सेलेनियम सारख्या खनिजांच्या सेवनानं पचन सुधारतं आणि हृदयाला देखील फायदा होतो.
फायबर रक्तातील साखर आणि कोलेस्ट्रॉल कमी करण्यासाठी देखील प्रभावी आहे.

Aloe Vera : उन्हाळ्यात घ्या चेहऱ्याची काळजी, कोरफडीचा गर करेल त्वचेचं संरक्षण

भाज्या आणि फळं खाल्ल्यानं तुम्हाला फायदा होईल, फळं आणि भाज्यांमध्ये अँटी-ऑक्सिडंट्स, खनिज, फायबर आणि जीवनसत्त्वं चांगल्या प्रमाणात असतात.

फळं - भाज्या खाल्ल्यानं हृदयविकार, पक्षाघात आणि इतर आजारांचा धोका कमी होतो.

पालक सारख्या हिरव्या पालेभाज्यांमध्ये भरपूर प्रमाणात लोह आणि फोलेट असतं.

लिंबूवर्गीय फळांपासून शरीराला व्हिटॅमिन सी मिळते.

गाजर, टोमॅटोमध्ये भरपूर प्रमाणात अँटी-ऑक्सिडंट असल्यानं जळजळ आणि ऑक्सिडेटिव्ह तणाव कमी करण्यासाठी उपयोग होतो.

कमी चरबीयुक्त प्रथिनं खा, स्नायू दुरुस्तीसाठी आणि रोगप्रतिकारक शक्ती सुधारण्यासाठी प्रथिनं प्रभावी आहेत.

आहारात कमी चरबीयुक्त प्रथिनांचा समावेश केल्यानं हृदयाचं आरोग्य सुधारतं.

अंडी, चिकन, टोफू, कडधान्यं खा.

मोनोसॅच्युरेटेड आणि पॉलीसॅच्युरेटेड फॅट्स हृदयाच्या आरोग्यासाठी चांगले असतात.

ऑलिव्ह ऑइल, सुका मेवा, हे चांगल्या फॅट्सचे चांगले स्रोत आहेत.

Soaked Raisins : सकाळी रिकाम्या पोटी प्या भिजवलेल्या बेदाण्यांचं पाणी, प्रकृतीसाठी भरपूर फायदेशीर

तळलेल्या पदार्थांना दूर ठेवा - ट्रान्स फॅट्स किंवा जास्त सॅच्युरेटेड फॅट्स हृदयाच्या आरोग्यासाठी चांगले नाहीत. तळलेले पदार्थ आणि प्रक्रिया केलेल्या पदार्थांमध्ये ट्रान्स फॅट्स आणि सॅच्युरेटेड फॅट्स असतात.

हृदयाचे आरोग्य राखण्यासाठी ट्रान्स फॅट्सपासून दूर राहणं आवश्यक आहे.

रक्तदाब कमी करण्यासाठी मीठ कमी खा. आपल्या जेवणात मीठ असतंच. पण मिठाचं अतिसेवन टाळा.

जंक फूड आणि प्रोसेस्ड फूडमध्ये मीठ जास्त असतं. जास्त मीठ घालण्याऐवजी लिंबाचा रस आणि लसूण इत्यादींनी अन्नाची चव वाढवता येते.

मीठ जास्त प्रमाणात खाल्ल्यानं चयापचयाच्या आरोग्यावर परिणाम होतो. यामुळे कोलेस्टेरॉलही वाढू शकतं आणि वजन वाढू शकतं.

हृदयविकार टाळण्यासाठी वजन कमी करा. लठ्ठपणामुळे अनेक आजारांना आमंत्रण मिळतं.

Location :

Mumbai,Maharashtra

First Published :

February 26, 2025 5:45 PM IST

///

Heart Care : हृदय निरोगी ठेवण्यासाठी लक्षात ठेवा या गोष्टी, जीवनशैलीतले बदल ठरतील उपयोगी