पावसाळा आणि Viral Infection, अशी घ्या आपल्या आरोग्याची काळजी, महत्त्वाच्या टिप्स

अलीगढ : सध्या पावसाळा सुरू आहे. यामध्ये अनेक आजार होण्याची शक्यता असते. बदलत्या हवामानाचा मुलांना आणि वृद्धांनाही मोठा फटका बसतो. म्हणून काळजी घेण्याचा सल्ला डॉक्टरांकडून दिला जातो. पावसाळ्यात अस्वच्छता, पाणी तुंबणे अशा समस्यांमधून नागरिकांना जावे लागत आहे. पावसाळ्यात नाल्यांतून पाणी येऊन रस्त्यावर वाहत असते. याचा फटका नागरिकांना बसतो आणि गंभीर आजार होण्याची शक्यता वाढते. त्यामुळे नेमके काय करावे, याबाबत डॉ. विपिन गुप्ता यांनी महत्त्वाचा सल्ला दिला आहे.

लोकल18 शी बोलताना त्यांनी सांगितले की, वेळेनुसार हवामान बदलत आहे. कधी पाऊस तर कधी ऊन यामुळे लोक आजारी पडतात. म्हणून लोकांनी काळजी घ्यायला हवी. सर्वात महत्त्वाचे म्हणजे, बाजारातील उघड्यावरील खाद्यपदार्थ खाणे टाळावे. या काळात अतिसाराचा धोका वाढतो. त्यामुळे लोकांनी फक्त घरी बनवलेले अन्न खावे.