...म्हणून बायको आई होऊ शकत नाही! लग्नाचं वय असतं कारणीभूत

प्रयागराज : एका जीवाला जन्म देणं ही स्त्रीला लाभलेली सर्वात सुंदर देणगी आहे. आई होणं हे जवळपास प्रत्येक स्त्रीचं स्वप्न असतं. मग त्यासाठी स्वतःचंच बाळ असायला हवं असं काही नाही, आपण कोणालाही आईसारखा जीव लावू शकतो. परंतु आपल्या शरिरात एका जीवाची चाहूल लागणं, आपण त्याला नऊ महिने पोटात वाढवणं, आनंदाच्या असंख्य कळा सोसून त्याला जन्म देणं, जन्माला आल्यावर त्याला जीवापाड जपणं यासारखं दुसरं सुख असूच शकत नाही. परंतु दुर्दैवाने ते सर्वांच्याच नशिबात नसतं.

अगदी काही महिन्यांपूर्वी लग्न झालेली जोडपीही मूल होण्यासाठी वैद्यकीय उपचार घेत असल्याची उदाहरणं आपण आजूबाजूला पाहतो. परंतु कितीही उपचार घेतले तरीही अनेकजणांना आई-वडील होण्याचं सुख मिळत नाही. रिपोर्टमध्ये सारंकाही उत्तम असतं, मग नेमकी अडचण काय आहे, हेसुद्धा कळत नाही. आज आपण यामागची काही संभाव्य कारणं जाणून घेणार आहोत.

खरंतर आयुष्यात कधी काय करावं, हे ठरवण्याचा अधिकार प्रत्येक व्यक्तीला आहे. लग्नासाठी, मूल होण्यासाठी असं कोणतं आयडियल वय नाही, मात्र हॉर्मोन्सच्या दृष्टीने लग्नासाठी वय वर्ष 25 हा उत्तम काळ मानला जातो. तोपर्यंत स्त्रीमध्ये सेक्स करण्याची तीव्र भावना असते.