Yoga Day 2025: ऑफिसमधून फक्त 2 मिनिटे काढा अन् ही योगासने करा, उत्तम आरोग्यासाठी सोपा उपाय

मुंबई: आजच्या धावपळीच्या जीवनशैलीत, विशेषतः कॉर्पोरेट क्षेत्रात काम करणाऱ्या कर्मचाऱ्यांसाठी स्वतःच्या आरोग्याकडे लक्ष देण्यासाठी वेळ काढणं अत्यंत कठीण झालं आहे. दिवसाचे 8-10 तास ऑफिसच्या खुर्चीत बसून काम करताना पाठदुखी, मानदुखी, थकवा, डोकेदुखी, मानसिक तणाव अशा विविध समस्या उद्भवत आहेत. आंतरराष्ट्रीय योग दिनाच्या निमित्ताने योग अभ्यासक अवनी पडवळ यांनी ऑफीसमध्ये केवळ 2 ते 5 मिनिटांत करता येणारी काही सोपी आणि प्रभावी प्राणायाम व योगासने सांगितली आहेत.