Home Workouts : खुप व्यस्त असता, व्यायामाला वेळ नाही? हा 10 मिनिटांचा व्यायाम दीर्घकाळ ठेवेल निरोगी..
- Published by:Pooja Jagtap
Last Updated:
Effective Home Workouts For Busy Schedules : जर तुम्ही शारीरिकदृष्ट्या सक्रिय नसाल तर अनेक आजार तुम्हाला घेरू शकतात. म्हणूनच अशा व्यस्त लोकांसाठी आम्ही काही सकाळच्या व्यायामांबद्दल सांगत आहोत.
मुंबई : दीर्घ आयुष्य जगण्यासाठी शारीरिकदृष्ट्या सक्रिय राहणे खूप महत्वाचे आहे. यासाठी प्रत्येकाने व्यायाम केला पाहिजे. मात्र आजकाल लोकांवर कामाचा इतका ताण असतो की, ते फिरायला वेळ काढू शकत नाहीत. रोज व्यायाम करणे त्यांना शक्य होत नाही. सकाळी उठताच ऑफिसला जाण्याची घाई असते. जर तुम्ही शारीरिकदृष्ट्या सक्रिय नसाल तर अनेक आजार तुम्हाला घेरू शकतात. म्हणूनच अशा व्यस्त लोकांसाठी आम्ही काही सकाळच्या व्यायामांबद्दल सांगत आहोत, ज्यासाठी तुम्हाला तुमच्या व्यस्त वेळापत्रकातून फक्त 10 मिनिटे काढावी लागतील.
व्यस्त लोकांसाठी 10 मिनिटांचा व्यायाम दिनक्रम..
जंपिंग जॅक : टीओआयमध्ये प्रकाशित झालेल्या वृत्तानुसार, तुम्ही सकाळी तुमच्या शरीरासाठी फक्त 10 मिनिटे काढावीत. जंपिंग जॅकने सुरुवात करा. ते फक्त 1 मिनिटासाठी करावे लागते. संपूर्ण शरीराला उबदार करण्यासाठी हा सर्वोत्तम व्यायाम आहे. यामुळे हृदय गती तसेच रक्ताभिसरण वाढते. हृदयाचे स्नायू देखील सक्रिय होतात. फक्त 1 मिनिट जंपिंग जॅक केल्याने हृदय आणि रक्तवाहिन्यासंबंधी आरोग्य सुधारू शकते.
advertisement
स्ट्रेचिंग : वॉर्म अप केल्यानंतर स्ट्रेचिंग आवश्यक आहे. हे शरीराला लवचिक बनवते. तुम्हाला ते फक्त 2 मिनिटे करावे लागते. यामध्ये तुमचे हात हलवा, पाय हलवा, धड वाकवा, यामुळे गतिशीलता सुधारते. स्ट्रेचिंगमुळे शरीराचा कडकपणा कमी होतो आणि लवचिकता वाढते.
स्ट्रेंथ एक्सरसाइज : यामध्ये तुम्हाला स्क्वॅट्स, पुश-अप्स, लंग्ज करावे लागतात, तेही फक्त तीन मिनिटांसाठी. हे केल्याने तुमच्या स्नायूंना ताकद आणि कडकपणा मिळेल, तेही अगदी कमी वेळात. तीन मिनिटांत 30 सेकंद स्क्वॅट्स करा. यामुळे पाय आणि कोयार मजबूत होते. 30 सेकंद पुश-अप्स केल्याने शरीराच्या वरच्या भागाला आणि कोरला ताकद मिळते. गुडघे देखील निरोगी राहतात. एक मिनिट लंग्ज करा. या व्यायामामुळे अनेक स्नायू गट मजबूत होतात. संतुलन सुधारते. पायांचे स्नायू मजबूत होतात आणि शरीराच्या खालच्या भागाला ताकद मिळते.
advertisement
स्थिरतेसाठी कोअर अ‍ॅक्टिव्हिटी : तुम्हाला हे फक्त दोन मिनिटे करावे लागेल. यामुळे पाठदुखी कमी होते. यामध्ये एक मिनिट प्लँक आणि एक मिनिट सायकल क्रंच करा. हे करताना कोअर, शोल्डर, कंबर हे सर्व सहभागी होतात. सायकल क्रंचमुळे समन्वय सुधारतो तसेच अ‍ॅब्स मजबूत होतात.
शेवटी, स्ट्रेचिंग आणि खोल श्वास घेऊन व्यायाम पूर्ण करा. दोन मिनिटे हे करा. दहा मिनिटांचा हा सकाळचा व्यायाम खोल श्वास आणि स्ट्रेचिंग करून पूर्ण करा. उभे राहून किंवा बसून खोल श्वास घेण्याचा व्यायाम करा. हळूहळू श्वास घ्या आणि सोडा. मान वळवा, खांदे ताणा, पुढे वाकणे यामुळे शरीर आरामदायी होईल आणि मन थंड होईल. हा 10 मिनिटांचा व्यायाम पूर्ण केल्यानंतर शरीराला हायड्रेट करायला विसरू नका. पाणी प्या, निरोगी नाश्ता केल्यानंतरच घराबाहेर पडा.
advertisement
अस्वीकरण : या बातमीत दिलेली माहिती आणि आरोग्याशी संबंधित सल्ला तज्ञांशी झालेल्या संभाषणांवर आधारित आहे. ही सामान्य माहिती आहे, वैयक्तिक सल्ला नाही. म्हणून, डॉक्टरांचा सल्ला घेतल्यानंतरच काहीही वापरा. त्याच्या वापरामुळे होणाऱ्या कोणत्याही नुकसानासाठी न्यूज-18 जबाबदार राहणार नाही.
Location :
Mumbai,Maharashtra
First Published :
September 15, 2025 12:42 PM IST
मराठी बातम्या/लाइफस्टाईल/
Home Workouts : खुप व्यस्त असता, व्यायामाला वेळ नाही? हा 10 मिनिटांचा व्यायाम दीर्घकाळ ठेवेल निरोगी..
