Himalayan Fig Benefits: हिमालयात मिळणारं ‘हे’ फळ आहे आगळं वेगळं, एकदा खाल्ल्याने होतील अनेक फायदे

हिमालयीन अंजिराला उत्तराखंडमध्ये बेदू नावाने ओळखलं जातं. पंजाबच्या लवली विद्यापीठ आणि अनेक परदेशी विद्यापीठांनी आत्तापर्यंत अंजिरावर अनेकदा संशोधन केलं आहे. अनेक संधोधनातून अंजीराचे आरोग्यदायी गुणधर्म अनेकदा सिद्ध झाले आहेत. अंजिरात व्हिटॅमिन ए, व्हिटॅमिन बी १, व्हिटॅमिन बी २, व्हिटॅमिन सी, फायबर, कार्बोहायड्रेट असतात. अंजीर खाल्ल्याने पचनशक्ती मजबूत होते. त्यामुळे बद्धकोष्ठता, अपचनाच्या समस्यापासून सुटका होते. अंजीर खाल्ल्यामुळे आतड्यांमधील घाण निघून पोट आतून साफ व्हायला मदत होते. ब्लडप्रेशर, डायबिटीस सारख्या गंभीर आजारांवर अंजीर खाणं फायद्याचं ठरतं. अंजीर खाल्ल्यामुळे रक्तातल्या वाईट कोलेस्ट्रॉलचं प्रमाण कमी होऊन हृदयविकारांचा धोका टळतो. याशिवाय अंजीरमुळे इन्सुलिनची कार्यक्षमता वाढते त्यामुळे मधुमेहाच्या रुग्णांसाठी अंजीर खाणं खूप फायदेशीर ठरतं. हिमालयीन अंजीर बुरशीजन्य संसर्गापासून ते ट्यूमर आणि अल्सरच्या गंभीर आजारांवर देखील गुणकारी ठरू शकतं.

अनेक संशोधनात असं आढळून आलं आहे की, हिमालयीन अंजिरामध्ये  दाहकविरोधी गुणधर्म आढळून येतात. लवली विद्यापीठानं केलेल्या संशोधनात असं आढळून आलंय की हिमालयीन अंजीरमध्ये सोरोलिन आणि रुटिन ही दो प्रमुख संयुगं आढळून येतात. सोरालेन सायक्लोऑक्सिजेनेज-2 या वेदना निर्माण करणाऱ्या एंझाइमला ब्लॉक करतं. या त्यामुळे ते नैसर्गिक वेदनाशमक म्हणून उत्तम काम करतं. हिमालयीन अंजीर हे अ‍ॅस्पिरिन किंवा डायक्लोफेनाक सारख्या औषधांना एक चांगला नैसर्गिक पर्याय ठरू शकतं. अनेक अभ्यासातून असंही आढळून आलं आहे की, विविध त्वचारोग आणि जखमांवर सुद्धा अंजीर फायद्याचं ठरतं.