कोल्हापुरातील महाद्वार रोडची स्वस्तात मस्त शॉपिंग, फक्त 150 रुपयांपासून मिळतात मुलींचे टॉप, Video

कोल्हापूर : विविध व्हरायटी आणि डिझाईनचे कपडे खरेदी हा महिलांच्या आवडीचा विषय असतो. साड्यांपासून ते ड्रेसपर्यंत सर्वच प्रकारचे स्वस्तात मस्त कपडे मिळण्याचे कोल्हापुरातील ठिकाण म्हणजे महाद्वार रोड परिसर होय. या ठिकाणी अनेक दुकानांमध्ये महिलांच्यासाठी विविध प्रकारचे कपडे मिळतात. त्याचबरोबर रोजच्या वापरातील कमी किमतीचे टॉप देखील इथे मिळतात. इथे मिळणाऱ्या महिलांच्या टॉपची किंमत ही फक्त 150 रुपयांपासून सुरु होते.

कोल्हापूरच्या महाद्वार रोड परिसरात महाद्वार चौकात सागर ड्रेसेस हे एक महिलांच्या कपड्यांचे दुकान आहे. वेगवेगळ्या प्रकारचे टॉप, कुर्ती, वन पीस, आदी अनेक प्रकारचे ड्रेसेस या ठिकाणी मिळतात. 2018 साली मंजुषा सेवेकरी यांनी त्यांचे हे सागर ड्रेसेस दुकान सुरू केले आहे. या दुकानात मिळणाऱ्या ड्रेसेसच्या नवनवीन व्हरायटीमुळे महिला आणि मुलींची नेहमीच दुकानात गर्दी असते. त्यामुळेच ग्राहकांना ड्रेस दाखवायला दुकानात मुलींचा स्टाफ देखील ठेवला असल्याचे मंजुषा यांनी सांगितले.

दरम्यान, कोल्हापुरात अनेकजण महाद्वार रोडला शॉपिंगसाठी येतात. याठिकाणी सकाळी 9 वाजल्यापासून ते रात्री 9 वाजेपर्यंत दुकाने सुरू राहतात. तरीही सायंकाळी या रोडवर मोठी गर्दी असते. कोल्हापूरकरांसह बाहेरचे पर्यटक देखील येऊन या परिसरात खरेदी करत असतात.