रात्री तहान लागून तुमची झोपमोड होते का? दुर्लक्ष करू नका 'ही' असू शकतात कारणं

रात्रीची शांत झोप हे उत्तम आरोग्याचं लक्षण असतं. दिवसभर थकलेल्या शरीराला व मनाला रात्रीच्या झोपेमुळे आराम मिळतो. सर्वसाधारणपणे सलग 7 ते 8 तास झोप घ्यावी असा डॉक्टर सल्ला देतात; पण काही कारणांमुळे झोप अर्धवट होते. काही जणांना रात्री तहान लागते. रोज रात्री उठून त्यांना पाणी प्यावं लागतं. बरेचदा घसा कोरडा पडतो, घाम येतो व उठून पाणी प्यायल्याशिवाय बरं वाटत नाही. पाणी पिणं चांगलं असलं, तरी दररोज रात्री तहान लागली आणि झोप मोडून पाणी प्यावं लागलं तर ती सवय चांगली नाही. त्याचं काय कारण असतं, हे समजून घेतलं तर ती सवय मोडणं सोपं ठरू शकतं.