Cancer : शरीराच्या 'या' भागात होतायत वेदना, लिव्हर कॅन्सरचा असू शकतो इशारा; वेळीच ओळखा लक्षणं

उजव्या बाजूला वेदना

लिव्हरचा कॅन्सर वाढल्यास ट्यूमर डायफ्रामवर दाब देतो. यामुळे उजव्या खांद्यात वेदना होऊ शकतात. याला 'रेफर्ड पेन' म्हणतात, जिथे वेदना मूळ जागेपासून दूर जाणवतात.

लिव्हर कॅन्सरचा एक सामान्य संकेत म्हणजे कोणताही प्रयत्न न करता अचानक वजन कमी होणे. यासोबतच भूक कमी लागणे हे देखील एक महत्त्वाचे लक्षण आहे.

लिव्हरमध्ये बिघाड झाल्यामुळे पोटात द्रव जमा होऊ लागतो, ज्याला 'ॲसाइटिस' म्हणतात. यामुळे पोट फुगलेले दिसते आणि त्यात सूज येते.

त्वचा आणि डोळे पिवळे दिसणे हे लिव्हरच्या बिघाडाचे एक स्पष्ट लक्षण आहे. याला कावीळ म्हणतात. असे झाल्यास लगेच डॉक्टरांचा सल्ला घ्या.

सतत अशक्तपणा, थकवा, आणि ताप येणे ही देखील लिव्हर कॅन्सरची लक्षणे असू शकतात. वरीलपैकी कोणतीही लक्षणे दिसल्यास त्यांना सामान्य समजू नका. वेळीच सावध होऊन डॉक्टरांचा सल्ला घ्या आणि तपासणी करून घ्या. लवकर निदान झाल्यास उपचार करणे सोपे होते. टीप : (वरील माहिती सामान्य माहितीवर आधारीत आहेत. न्यूज 18 मराठी याची पुष्टी करत नाही. आपला उद्देश तुमच्यापर्यंत माहिती पोहोचवण्याचा आहे.)