Bedtime Resistance : तुमची रात्रीची झोप सारखी सारखी मोडते का? 'या' सवयी ठरतात कारणीभूत..

बऱ्याचदा आपली झोप रात्रीच्यावेळी वारंवार मोडते आणि याचा परिणाम आपल्या जवळजवळ सर्व कामाच्या गुणवत्तेवर होतो. हे सर्व आपल्या जीवनशैली आणि खाण्याशी संबंधित काही सवयींमुळे होते. झोप न येण्याचे किंवा झोपेत अडथळा येण्याचे मुख्य कारण रात्री झोपण्यापूर्वी तुम्ही खाल्लेले अन्न देखील असू शकते. चला पाहूया झोपण्यापूर्वी कोणत्या गोष्टी खाऊ नयेत.

कॅफिन : कॅफिनमध्ये असे पदार्थ असतात, जे आपल्याला जागृत ठेवतात आणि आपला मेंदू सक्रिय ठेवतात. झोपेची इच्छा कमी करण्यासाठी देखील लोक अनेकदा चहा किंवा कॉफी इत्यादी कॅफिनयुक्त पेये घेतात, ज्यामुळे त्यांना तासनतास झोप येत नाही. म्हणून झोपेच्या काही तास आधी कॅफिनयुक्त पदार्थ घेणे टाळा.

कार्बोहायड्रेट्स : मर्यादित प्रमाणात कार्बोहायड्रेट्स घेतल्याने व्यवस्थित झोप लागते. मात्र जास्त प्रमाणात सेवन केल्याने आपल्या चयापचयात बदल होऊन आपली झोप बिघडू शकते. त्यामुळे आपल्याला अस्वस्थता देखील येऊ शकते. म्हणून झोपण्यापूर्वी भात, पास्ता, चिप्स, केळी, सफरचंद, बटाटा किंवा इतर कोणत्याही प्रकारचे धान्य यासारखे कार्बोहायड्रेट्स असलेले पदार्थ खाऊ नयेत.

कार्बोहायड्रेट्स : मर्यादित प्रमाणात कार्बोहायड्रेट्स घेतल्याने व्यवस्थित झोप लागते. मात्र जास्त प्रमाणात सेवन केल्याने आपल्या चयापचयात बदल होऊन आपली झोप बिघडू शकते. त्यामुळे आपल्याला अस्वस्थता देखील येऊ शकते. म्हणून झोपण्यापूर्वी भात, पास्ता, चिप्स, केळी, सफरचंद, बटाटा किंवा इतर कोणत्याही प्रकारचे धान्य यासारखे कार्बोहायड्रेट्स असलेले पदार्थ खाऊ नयेत.

चॉकलेट : जेवणानंतर काही लोक मिष्टान्न म्हणून चॉकलेटचा आनंद घेतात. चहा आणि कॉफीसारख्या चॉकलेटमध्ये कॅफिनचे प्रमाण लक्षणीय असते. ते तुमचे मन गुंतवून ठेवते. म्हणजेच तुम्हाला पुरेशी झोप मिळत नाही किंवा अनेकदा झोप मोडते. म्हणून रात्री झोपण्यापूर्वी कॅफिन असलेले चॉकलेट खाऊ नये.