Thekua Recipe : छठपूजा स्पेशल ठेकुआ हा बिहारी पदार्थ कसा बनवतात? पाहा पारंपारिक रेसिपी

मुंबई: छठपूजा हा बिहारमधला मोठा सण असतो. या पुजेसाठी एक खास प्रसादही बनवला जातो. ठेकुआ हा पदार्थ खास छठ पुजेसाठी बनवला जातो. पुजा ठेकुआ या पदार्थाशिवाय अपूर्ण मानली जाते. ठेकुआला खजुरिया, टिकारी आणि ठोकनी असेही म्हणतात. ही भारतीय उपखंडातील एक इंडो-नेपाळी कुकी आहे. जी भारतातील बिहार आणि उत्तर प्रदेश तसेच नेपाळच्या तराई प्रदेशात लोकप्रिय आहे. छठ पूजेदरम्यान ठेकुआ हा एक प्रसाद म्हणून देवाला अर्पण केला जातो. पुजेचा उपवास सोडण्यासाठी हा पदार्थ खातात. ठेकुआ बनवण्यासाठी फार काही खर्च किंवा सामानाची आवश्यकता नसते. तर, घरच्याघरी हा पदार्थ कसा बनवला जातो याची रेसिपी गृहिणी राजकुमारी सोनार यांनी सांगितली आहे.

गव्हाचे पीठ ( जेवढे ठेकुआ बनवायचे आहेत त्या नुसार), देशी तूप, सुक्या खोबऱ्याची पूड किंवा किस, गूळ किंवा साखर, वेलची पूड, तळण्यासाठी तेल किंवा तूप, बारीक चिरलेला सुका मेवा हे साहित्य आवश्यक आहे.

ठेकुआ बनवण्यासाठी प्रथम गव्हाच पीठ किंवा काहीजण मैदाही वापरतात. गव्हाच्या पीठात थोडासा रवा घालून ते छान तेलात किंवा तुपात भाजून घ्यायचं. त्यानंतर ते पीठ थोडं गरम असतानाच त्यात कोरड्या खोबऱ्याची पूड घालायची. बारीक चिरून घेतलेला सुका मेवाही घालू शकता. त्यानंतर त्यात पिठी साखर तुम्हाला किती गोड हव आहे त्या चवीनुसार घालायची आणि नंतर पाणी घालून पीठ छान मऊ मळून घ्यायच.