Chole-Paneer Pulao Recipe : हॉटेल सारखा बनेल छोले-पनीर पुलाव, घरीच बनवा सोप्या पद्धतीने रेसिपी, खाल आवडीने

सुरुवातीला एक वाटी छोले धुऊन आठ तासांसाठी भिजत ठेवा. नंतर त्यातील पाणी बदलून कुकरमध्ये पाच-सहा शिट्ट्या देऊन शिजवून घ्या. तांदूळ स्वच्छ धुऊन बाजूला ठेवा. कुकर गरम करून त्यात तेल घाला आणि पनीरचे तुकडे हलकेसे फ्राय करून बाजूला काढा. त्यानंतर उरलेल्या तेलात जीरे आणि खडे मसाले टाकून फोडणी करा.

उभा चिरलेला कांदा आणि एक हिरवी मिरची घालून कांदा सोनेरी होईपर्यंत भाजा. आता टोमॅटो आणि कांदा-लसूण पेस्ट टाकून थोडं परता. शिजलेले छोले पाणी न घालता त्यात तांदूळ टाकून काही मिनिटे मध्यम आचेवर भाजून घ्या. नंतर साडेतीन वाटी गरम पाणी, बिर्याणी मसाला, छोले मसाला, लाल तिखट आणि मीठ घालून हलवा. वरून फ्राय केलेले पनीर ठेवून दोन-तीन शिट्ट्या द्या. कुकर गार झाल्यावर पुलाव हलक्या हाताने मिक्स करा आणि तळलेला कांदा आणि कोथिंबीर घालून सर्व्ह करा.