लाल केळी आरोग्यासाठी 'सुपरफूड'! किडनी स्टोन-रक्तदाब होतात बरे; इतकंच नाहीतर चेहऱ्यावरही येते नवी चमक!

लाल केळ्यांमध्ये 11 प्रकारचे खनिजं, 6 प्रकारची जीवनसत्त्वं (व्हिटॅमिन्स), फायबर आणि कार्बोहायड्रेट्स असतात. म्हणूनच, ही केळी खाल्ल्याबरोबर तुम्हाला लगेच ऊर्जा मिळते. लाल केळ्यांमध्ये सामान्य केळ्यांपेक्षा जास्त पोषक घटक असतात. त्यांची चवही वेगळी असते. ती नेहमीच्या केळ्यांपेक्षा जास्त गोड लागतात. अँटीऑक्सिडंट गुणधर्मांनी परिपूर्ण असलेली ही केळी साधारणपणे दक्षिण भारतात जास्त मिळतात.

लाल केळीमध्ये भरपूर फायबर असतं. त्यामुळे ती खाल्ल्यानंतर बराच वेळ भूक लागत नाही. एका लाल केळ्यात साधारणपणे 90 ते 100 कॅलरीज आणि उत्तम कार्बोहायड्रेट्स असतात. यामुळे वजन कमी करायलाही मदत होते. या केळ्यांमध्ये पोटॅशियम भरपूर प्रमाणात असल्यामुळे किडनी स्टोनचा (मूत्रपिंडातील खडे) धोका कमी होतो. शरीरातील अतिरिक्त कॅल्शियम साचण्यापासून ते रोखतं, ज्यामुळे हाडं मजबूत होतात.

लाल केळी त्वचेसाठीही खूप फायदेशीर आहेत. लाल केळ्यापासून बनवलेला फेस पॅक त्वचेला चमक देतो. तुम्ही लाल केळं, मध आणि ओट्स एकत्र करून फेस पॅक तयार करू शकता आणि चेहऱ्यावर लावू शकता.

केळी खाण्यासाठी सकाळची वेळ सर्वात उत्तम मानली जाते. जर सकाळी शक्य नसेल, तर तुम्ही सकाळी 11 वाजताच्या ब्रेक टाइममध्ये किंवा संध्याकाळी 4 वाजताच्या ब्रेक टाइममध्ये ती खाऊ शकता. जेवणानंतर लगेच केळं खाल्ल्यास आळस येतो आणि तुम्हाला त्याचे पूर्ण पोषक घटक मिळत नाहीत.