Agarbatti : उदबत्तीच्या काड्यांनी होतं तब्येतीचं मोठं नुकसान, फुफ्फुसरोगतज्ज्ञांनी दिला धोक्याचा इशारा

अगरबत्ती का लावू नये ? - अगरबत्तीमुळे घरातील हवा प्रदूषित होते. अगरबत्ती जाळल्यावर निघणारा धूर PM2.5 कण, कार्बन मोनोऑक्साइड आणि हानिकारक वायू बाहेर टाकतो. हे प्रदूषक घरातील हवा प्रदूषित करतात. दीर्घकाळ श्वास घेतल्यानं आरोग्यावर परिणाम होऊ शकतात.

हा धूर मुलं आणि वृद्धांसाठी अधिक हानिकारक आहे. घरात लहान मुलं, वृद्ध किंवा दम्याचे रुग्ण असतील तर उदबत्तीचा धूर त्यांच्यासाठी आणखी धोकादायक ठरू शकतो. त्यामुळे श्वास घेण्यास त्रास, खोकला किंवा अ‍ॅलर्जी होऊ शकते.

अगरबत्ती दररोज वापरल्यानं धोका वाढतो, बंद खोलीत दररोज अगरबत्ती जाळल्यानं हळूहळू ब्राँकायटिस, दमा आणि सीओपीडीसारखे आजार होऊ शकतात. अगरबत्तीचा दीर्घकाळ वापर होत असेल तर फुफ्फुसांचा कर्करोग देखील होऊ शकतो.

या गोष्टी लक्षात ठेवा

प्रार्थनेदरम्यान अगरबत्ती लावायला आवडत असेल तर ते रोज न करता अधूनमधून लावत जा. पण हे करताना, खोलीची खिडकी उघडी आहे किंवा पंखा चालू आहे याची खात्री करा जेणेकरून धूर बाहेर पडू शकेल. दररोज सुगंध किंवा आध्यात्मिक वातावरण हवं असेल तर डिफ्यूझर, विद्युत दिवा किंवा नैसर्गिक धूप वापरण्याचा विचार करा. हे पर्याय सुरक्षित आणि पर्यावरणास अनुकूल ठरु शकतात.