Sleep & Weight Loss : वजन कमी करण्यासाठी चांगली झोप खरंच महत्त्वाचं आहे का? वाचा तज्ज्ञांचे मत..

मुंबई : चांगली झोप घेणे हे वजन कमी करण्याचा महत्त्वाचा भाग आहे. तुमचा कदाचित यावर विश्वास बसणार नाही, पण झोपेचा आणि वजनाचा घनिष्ट संबंध आहे. पुरेशी झोप घेतल्यास वजन कमी करण्याच्या प्रयत्नांतील अनेक समस्या सुटू शकतात. 18 ते 60 वयोगटातील प्रौढांनी चांगले आरोग्य राखण्यासाठी दररोज किमान 7 तास झोप घेतली पाहिजे. अपुरी झोप घेतल्यास 'कोर्टिसोल' नावाचे स्ट्रेस हार्मोन वाढते, ज्यामुळे शरीराला ऊर्जा वाचवण्याचे संकेत मिळतात. दुसऱ्या शब्दांत यामुळे तुमच्या शरीरातील चरबी वाढते.