Cancer : तुम्हीही करत नाही ना 'ही' चूक, स्किन कॅन्सरचा वाढेल धोका; आजच बदला अंघोळीच्या 'या' सवयी

अनेक लोक गरम पाण्याने आंघोळ करायला प्राधान्य देतात, पण जास्त गरम पाणी त्वचेतील नैसर्गिक तेल काढून टाकते. यामुळे त्वचा कोरडी होते आणि तिचा संरक्षक थर कमजोर होतो. यामुळे त्वचा सहजपणे बाहेरील प्रदूषणाला आणि सूर्यकिरणांना बळी पडते.

कठोर रसायने आणि उच्च पीएच असलेले साबण त्वचेचा नैसर्गिक पीएच बॅलन्स बिघडवतात. यामुळे त्वचा कोरडी आणि संवेदनशील बनते, ज्यामुळे त्वचेच्या आजारांचा धोका वाढतो.

खूप जास्त वेळ पाण्याखाली राहिल्याने त्वचेचा संरक्षक थर खराब होतो. विशेषतः, गरम पाण्याने जास्त वेळ आंघोळ केल्यास त्वचेतील ओलावा कमी होतो.

आंघोळ झाल्यावर टॉवेलने त्वचेला जोरात घासणे टाळा. यामुळे त्वचेवर सूक्ष्म ओरखडे येऊ शकतात. त्याऐवजी, हळूवारपणे टॉवेलने त्वचा कोरडी करा.

आंघोळीनंतर लगेच मॉइश्चरायझर न लावल्यास त्वचा लवकर कोरडी होते. मॉइश्चरायझर त्वचेतील ओलावा टिकवून ठेवतो आणि बाहेरील प्रदूषणापासून तिचे संरक्षण करतो.

आंघोळीच्या चुकीच्या सवयींमुळे त्वचा कमजोर होते. अशा परिस्थितीत बाहेर पडताना सनस्क्रीनचा वापर न केल्यास सूर्यकिरणांमुळे थेट त्वचेला नुकसान होते, जे स्किन कॅन्सरचे प्रमुख कारण आहे. केवळ एक सोपी गोष्ट म्हणजे, आंघोळ करताना काही चांगल्या सवयी लावल्यास तुम्ही तुमच्या त्वचेचे आरोग्य सुधारू शकता आणि अनेक गंभीर आजारांपासून स्वतःचे रक्षण करू शकता. टीप : (वरील माहिती सामान्य माहितीवर आधारीत आहेत. न्यूज 18 मराठी याची पुष्टी करत नाही. आपला उद्देश तुमच्यापर्यंत माहिती पोहोचवण्याचा आहे.)