Jamun Wood Benefits :'हे' लाकूड आहे औषधांचा खजिना! रक्तातील साखर, अपचन, अतिसारावर रामबाण

मुंबई : भारतीय आयुर्वेदात शतकानुशतके जांभळाचे लाकूड वापरले जात आहे. त्यात असंख्य औषधी गुणधर्म आहेत, जे विविध शारीरिक समस्यांसाठी फायदेशीर ठरतात. मधुमेहाच्या उपचारांमध्ये जांभळाचे लाकूड विशेष महत्त्वाचे स्थान आहे. जांभळाच्या लाकडाचे उकळलेले पाणी प्यायल्याने रक्तातील साखरेची पातळी नियंत्रित होण्यास मदत होते आणि शरीरातील अतिरिक्त साखर कमी होते असे तज्ज्ञांचे म्हणणे आहे. शिवाय जांभळाचे लाकूड हृदयाच्या आरोग्यासाठी देखील फायदेशीर मानले जाते. आयुर्वेदिक तज्ञांचे म्हणणे आहे की, नियमित वापरामुळे ऊर्जा वाढते आणि शरीराची सामान्य आजारांशी लढण्याची क्षमता मजबूत होते.