Travel Insurance : चिंतामुक्त होऊन फिरायला जायचंय? योग्य पद्धतीने निवडा प्रवास विमा, वाचा फायदे

आंतरराष्ट्रीय प्रवास योजना वैद्यकीय आणीबाणी, सामानाची चोरी, चुकलेली किंवा रद्द झालेली विमानसेवा, पासपोर्ट किंवा पैशांची चोरी अशा परिस्थितीत आर्थिक कव्हर प्रदान करते. याशिवाय, परदेशी प्रवास विम्यामध्ये विविध प्रकारचे कव्हर देखील दिले जाते. तुम्ही स्वतःसाठी तसेच तुमच्या प्रियजनांसाठी प्रवास विमा योजना घेऊ शकता. यासोबतच तुम्ही तुमच्या गरजेनुसार तुमचा प्रवास विमा देखील कस्टमाइज करू शकता.

तुम्ही विमा घेतला नसेल आणि तुमचा प्रवास कोणत्याही त्रासाशिवाय किंवा आजाराशिवाय पूर्ण झाला असेल तर तुम्हाला कोणत्याही समस्येचा सामना करावा लागणार नाही. मात्र जर तुमचे सामान हरवले किंवा तुमचे सामान चोरीला गेले, पर्स हिसकावणे, पासपोर्ट हरवणे किंवा तुम्ही आजारी पडणे अशी घटना घडली, तर तुम्हाला या गोष्टींवर अतिरिक्त खर्च करावा लागू शकतो. हे खर्च तुमचा प्रवास खर्च दुप्पट करू शकतात किंवा वाढवू शकतात.

कोणत्याही विमा योजनेत पैसे गुंतवण्यापूर्वी, त्यात किती कव्हर आहे ते पाहा. स्वस्ताच्या मागे लागून कमी कव्हर असलेली योजना घेणे तोट्याचा व्यवहार ठरू शकते. खाली काही प्रश्न दिले आहेत, विमा योजना घेण्यापूर्वी, त्या प्रश्नांची उत्तरे त्या योजनेत आहे की नाही ते पाहा.