Buck teeth & Junk Food: ऐकावं ते नवलंच! चॉकलेट, चिप्स खाल्याने मुलांचे दात पुढे येतात, जबड्याची बिघडते ठेवण आणि आकार

मुंबई : लहान मुलांना चॉकलेट, चिप्स आणि आईस्क्रीम हे प्रचंड आवडतं. आरोग्यासाठी हे पदार्थ, जंकफूड जितके घातक आणि धोकादायक आहेत तितकेच हे पदार्थ त्यांच्या दातांच्या आरोग्यासाठी आणि जबड्याचा योग्य आकारासाठी आणि त्यांच्या चांगल्या व्यक्तीमत्त्वासाठी घातक आहेत. विश्वास नाही बसत मग वाचा ही माहिती.लहान मुलांना अनेकदा अल्ट्रा-प्रोसेस्ड फूड (UFP) जसं की चिप्स, आईस्क्रिम किंवा पॅक्ड फ्रुट ज्यूस प्यायला आवडतं. अनेकादा त्यांचे पालकही त्याचे लाड करण्यासाठी हे पदार्थ त्यांना आवडीने आणून देतात. मुलांना हे पदार्थ चविष्ठ जरी वाटत असले तरीही त्याचे धोके आपल्या सगळ्यांना माहिती आहेत. अल्ट्रा-प्रोसेस्ड फूड्समध्ये कॅलरीज, साखर आणि मिठाचं प्रमाण जास्त असतं. त्यामुळे लठ्ठपणा, मधुमेह, हृदयरोग आणि कर्करोग होण्याची भीती असते. या पदार्थांमुळे मुलांच्या दातांच्या आरोग्यालाही धोका निर्माण होतो. मात्र हा धोका फक्त दात किडण्यापुरता आणि ते पडून त्यांचं नुकसान होण्यापुरता मर्यादित नाहीये.  तर अल्ट्रा-प्रोसेस्ड फूडचा मुलांच्या दातांची ठेवण आणि त्यांच्या जबड्यावरही परिणाम करत असल्याचं एका अभ्यासात दिसून आलंय.