बकऱ्याचं मुंडकं, दारूचा खंबा अन्...,स्मशानभूमीतलं दृश्य पाहून सगळेच हादरले, निवडणुकीत कुणावर काळी जादू?

माथेरान: राज्यभरात नगरपंचायत आणि नगरपरिषद निवडणुकीची रणधुमाळी सुरू आहे.  अशातच मुंबईजवळील थंड हवेचं ठिकाण असलेल्या माथेरानमध्ये एक धक्कादायक घटना घडली आहे. एका स्मशानभूमीमध्ये अघोरी विद्येचा प्रकार केल्याचं समोर आलं आहे. हा प्रकार निवडणुकीच्या तोंडावर केला असल्याचा संशय अशून नागरिकांमध्ये भीतीचं वातावरण आहे.

स्मशान भूमीमध्ये एका बाजूला  लाल भोपळे, सुरी, त्यावर ठोकलेल्या अगरबत्त्या, दोन मोठी मडकं, छोट्या बकराची मुंडी, माशांचे तुकडे असं एका ताटामध्ये ठेवण्यात आलं होतं. एवढंच नाहीतर या ताटाभोवती रक्त सांडलेलं दिसून आलं. बाजूला एक दगडावर एक बाहुली खिळ्याने ठोकलेली होती. तसंच, दारूची बाटली होती अख्खा खंबा ठेवलेला होता.   स्मशानभूमीच्या बाजूला असलेल्या दोन खड्ड्यांमध्येही काहीतरी विधी करून ठेवली होती, असं विजय चव्हाण यांनी सांगितलं.