अपघाताचा बनाव करत 30 लाखांचा लसूण परस्पर विकला; चार जणांना अटक
- Published by:Ajay Deshpande
Last Updated:
जिल्ह्यातून मोठी बातमी समोर येत आहे. वाहनचालकानं अपघाताचा बनाव करून परस्पर तब्बल तीस लाखांचा लसूण विकल्याची घटना घडली आहे.
अहमदनगर, 18 सप्टेंबर, साहेबराव कोकणे : जिल्ह्यातून मोठी बातमी समोर येत आहे. वाहनचालकानं अपघाताचा बनाव करून परस्पर तब्बल तीस लाखांचा लसूण विकल्याची घटना समोर आली आहे. या घटनेनं खळबळ उडाली आहे. या प्रकरणात प्राप्त तक्रारीवरून गुन्हा दाखल करण्यात आला असून, पोलिसांनी चार आरोपींना अटक केली आहे. पोलिसांकडून सर्व मुद्देमाल देखील हस्तगत करण्यात आला आहे. घटनेबाबत पुढील तपास सुरू असल्याची माहिती पोलिसांकडून देण्यात आली.
घटनेबाबत अधिक माहिती अशी की, गुजरातमधील एस. एस. ट्रेडिंग नावाची कंपनी आहे. ज्या कंपनीकडून लसूण, कांदा व इतर माल खरेदी, विक्री केला जातो. दरम्यान या कंपनीनं सिद्धिकी ब्रदर्स या कंपनीकडून 22,160 किलो लसूण खरेदी केला होता. ज्याची किंमत बाजारभावानुसार तब्बल 29,91,600 रुपये इतकी आहे. हा लसूण मध्यप्रदेशमधील निमजवरून बंगळुरूला पाठवण्यात आला.
advertisement
मात्र चालकानं अहमदनगर जिल्ह्यातील साकत शिवारात ट्रकला अपघात झाल्याचा बनाव करून ट्रकमधील लसूण मध्यस्थी व्यक्तीमार्फत परस्पर विक्री केला. या प्रकरणात तक्रार दाखल होताच पोलिसांनी गुन्हा दाखल करत चार आरोपींना अटक केली. पोलिसांकडून मुद्देमाल देखील जप्त करण्यात आला आहे.
Location :
Ahmadnagar,Ahmadnagar,Maharashtra
First Published :
September 18, 2023 11:07 AM IST
