नवी कार घेतली, पण गाडीत सतत बिघाड; वैतागलेल्या व्यक्तीने शोरूमसमोरच अंगावर पेट्रोल ओतून घेतलं अन्...

अहमदनगर 18 ऑक्टोबर (साहेबराव कोकणे) : अनेकांचं स्वप्न असतं की भरपूर पैसे कमवून कार विकत घ्यावी. यासाठी लोक भरपूर मेहनत घेतात आणि आपलं हे स्वप्न पूर्ण करतात. मात्र एवढ्या मेहनतीने जमवलेल्या पैशांनी घेतलेली कार चांगली असावी, असं प्रत्येकालाच वाटतं. असं न झाल्यास कोणाचाही हिरमोड होईल, यात काही शंका नाही. अशीच एक घटना अहमदनगरमधून समोर आली आहे. अहमदनगरच्या बोल्हेगाव एमआयडीसी साईबन रोड येथील रामचंद्र शंकर अनभुले यांनी गेल्या तीन महिन्यांपूर्वी नगर मनमाड रोडवरील मारुती सुझुकीच्या कांकरिया शोरूमकडून फोर व्हीलर मारूती कार विकत घेतली होती. मात्र तीन महिन्यांमध्ये गाडीमध्ये अनेक बिघाड झाले.