Shevgaon News : नेम हुकला अन् गेम फसला! शेवगाव गोळीबार प्रकरणाला वेगळं वळण; मारेकऱ्याचाच गेला जीव

अर्जुन पवार आणि राजेश राठोड हे दोघे गुरुवारी शेवगावला आले. त्याने पाथर्डीजवळील एका शेडमध्ये त्यांना सोडले. तेथे चौघे मुक्कामी राहिले. शुक्रवारी संदीप मच्छिंद्र पवार याने मोबाइल मधील फोटो दाखवत हा पिण्या कापसे असून, त्याला संपवायचे आहे, असे सांगितले होते. शनिवारी (दि. 2) मार्च सकाळी संदीप पवार हा मुक्कामाच्या ठिकाणी आला. दोन पिस्टल आणि तीन कोयते दाखवून स्वतःजवळ ठेवले. त्यांनतर सर्व चौघे दोन वेगवेगळ्या मोटारसायकलवरून शेवगाव येथे गेले. कापसे न सापडल्याने पुन्हा पाथर्डीला परतले. रविवारी संदीप आणि अन्वर हे पाथर्डीला आले. यातील संदीप याने एक पिस्टल गणेश तर दूसरे डीके याच्याकडे दिले. त्यानंतर पिन्या कापसे शेवगाव येथील हॉटेल शुभम शेजारील रसवंतीगृह येथे बसलेला असल्याचे सांगितले. ते सर्वजण दोन दुचाकींवरून तेथे पोहोचले. दुपारी दीडच्या सुमारास डीके याने पिस्टलमधून फायरचा प्रयत्न केला. तसेच गणेश यानेही त्याच्याकडील पिस्टल काढून दोन राऊंड फायर केले. परंतु, ते पिन्या कापसे याला लागलेच नाहीत. त्यांनतर सर्वजण तेथून जात असताना पिन्याने एका दुचाकीला पाठीमागून जोराची धडक दिली.