रोहित पवार मंत्री होणार, कर्जत जामखेडमध्ये जाऊन शरद पवार यांची घोषणा

अहमदनगर (खर्डा) : रोहित पवार यांनी विधानसभा लढविण्याचा निर्णय घेतला त्यावेळी मी त्याला सांगितले की कर्जत जामखेड हा दुष्काळी भाग आहे. तिथे काम करण्याची तुला चांगली संधी आहे. त्यामुळे रोहित पवार यांनी कर्जत जामखेडमधून विधानसभा निवडणूक लढवली. रोहितची पहिली पाच वर्षे ही तुमची सेवा करण्यासाठी होती. आता पुढील पाच वर्ष रोहित महाराष्ट्राची सेवा करेन, असे वक्तव्य ज्येष्ठ नेते तथा मूळ राष्ट्रवादीचे अध्यक्ष शरद पवार यांनी केले. महाविकास आघाडीचे सरकार आले तर रोहित पवार हे मंत्री असतील, असेच शरद पवार यांनी अप्रत्यक्ष सांगितले. त्यांच्या घोषणेने रोहित पवार यांच्या समर्थकांमध्ये आनंदाची लाट आहे.