MSRTC Bus : एसटी बसचा अचानक ब्रेक फेल, पुढे नदीवरील पूल.. चालकाच्या एका निर्णयाने टळला मोठा अनर्थ

शिर्डी, 30 जुलै : मागील काही दिवसांपासून एसटी बसची दूरवस्था दाखवणारे अनेक व्हिडीओ सोशल मीडियावर व्हायरल होत आहेत. तीन दिवसांपूर्वी गडचिरोलीतील अहेरी आगारातील बसचं छप्पर तुटलेल्या अवस्थेत धावणाऱ्या बसचा व्हिडीओ व्हायरल झाला होता. त्यानंतर नांदेड जिल्ह्यातील एका एसटी बसचा असाच एक व्हिडीओ व्हायरल झाला. ज्यात एसटी बसचा चालक एका हाताने स्टिअरिंग आणि दुसर्‍या हाताने काचेवरील वायपर फिरवत असल्याचे पाहायला मिळत आहे. तर आता शिर्डी येथे बसचे ब्रेक फेल झाल्याने चालकाने बस वाळूच्या डेपोवर चढवल्याचा व्हिडीओ समोर आला आहे.

तिसरी घटना पुन्ही गडचिरोली जिल्ह्यातून समोर आली होती. पावसाच्या पाण्यामुळे पूर आल्याने अडकलेल्या प्रवाशांना सोडवण्यासाठी निघालेल्या बसचा वायपर बंद पडला. त्यामुळे बस चालकाला एका हाताने स्टिअरिंग आणि दुसर्‍या हाताने वायपर चालवण्याची वेळ आली.

तर आज (30 जुलै) रोजी नांदेड जिल्ह्यातून एक व्हिडीओ समोर आला. ज्यात एसटी बसेसचे वायपर काम करत नसल्याने ड्रायव्हर हाताने काच साफ करत एसटी चालवत आहे. तर एका हाताने स्टिअरिंग आणि दुसर्‍या हाताने वायपर फिरवणाऱ्या या बस चालकाचा देखील व्हिडीओ व्हायरल होत आहे.