राष्ट्रवादी काँग्रेसचे पहिले 'संघटन महासचिव', अजित पवारांकडून खास माणसाला मोठी जबाबदारी

मुंबई : आगामी स्थानिक स्वराज्य संस्थांच्या निवडणुका डोळ्यासमोर ठेवून अजित पवार यांच्या नेतृत्वाखालील राष्ट्रवादी काँग्रेस पक्षाची संघटन बांधणी सुरू आहे. दस्तुरखुद्द अजित पवार देखील 'राष्ट्रवादी परिवार मिलन' कार्यक्रमाच्या माध्यमातून विविध लोकांना भेटून त्यांना पक्षाची ध्येयधोरणे समजावून सांगत आहेत. अशातच संघटनेसाठी महत्त्वाचे असणारे संघटन महासचिव पदाची निर्मिती करून त्या पदावर संजय खोडके यांना नियुक्त करण्यात आले आहे. अजितदादांकडून संजय खोडके यांची राष्ट्रवादी काँग्रेसचे पहिले 'संघटन महासचिव' म्हणून नियुक्ती करण्यात आली आहे. संघटन महासचिव पदामुळे कार्यकर्त्यांना संघटनेसंबंधी मुद्दे थेट मांडता येणार आहेत.