'लव्ह मॅरेज आहे का?' भरसभेत अजित पवारांचा महिला उमेदवाराला प्रश्न, म्हणाले 'शंकेला जागा उरते'

सचिन तोडकर, प्रतिनिधी मंचर: स्थानिक स्वराज्य संस्थांच्या निवडणुकीच्या पार्श्वभूमीवर उपमुख्यमंत्री अजित पवार महाराष्ट्राचा दौरा करत आहेत. अनेक ठिकाणी जाऊन ते आपल्या उमेदवारांचा प्रचार करत आहेत. आपल्या उमेदवाराला निवडून देण्याची मागणी करत आहेत. अजित पवारांनी आज पुणे दौरा केला. पुण्याच्या मंचर इथं प्रचारसभेत बोलताना अजित पवार यांनी महायुतीच्या महिला उमेदवाराला भर सभेत 'लव्ह मॅरेज केलंय का?' असा सवाल केला. अजित पवारांच्या या वक्तव्यानंतर सभास्थळी एकच हशा पिकला. अजित पवारांच्या या भाषणाची क्लिप आता सोशल मीडियावर व्हायरल झाली आहे.