VIDEO : 'चैत्यभूमीकडे रिक्षा सोडा...' चुनाभट्टीत अखेर आंबेडकरी जिंकले, रास्ता मोकळा, नेमकं काय घडलं?

Mumbai News : भारतरत्न महामानव डॉ. बाबासाहेब आंबेडकर यांना महापरिनिर्वाण दिनानिमित्त अभिवादन करण्यासाठी लाखो आंबेडकरी अनुयायी शुक्रवारपासूनच दादरच्या चैत्यभूमीच्या दिशेने निघाले आहेत.आज काही उपनगरातील आंबेडकरी अनुयायी रिक्षाने दादरच्या दिशेने येत असताना चुनाभट्टी सायन कनेक्टरजवळ पोलिसांनी आंबेडकरी अनुयायांची रिक्षा अडवल्याची घटना घडली होती. या घटनेनंतर आंबेडकरी अनुयायी प्रचंड आक्रमक झाले होते आणि त्यांनी रास्ता रोखून धरला होता.त्यामुळे परिसरात मोठी वाहतूक कोंडी झाली होती आणि मोठा गोंधळही उडाला होता. पण आंबेडकरी अनुयायांच्या या आंदोलनानंतर आता मुंबई पोलिसांनी रिक्षा आणि दुचाकी सोडण्यास परवानगी दिली आहे.त्यामुळे आंबेडकरी अनुयायांच्या आंदोलनाला यश आले आहे.