Amravati Mayor Election: महापौर पदाच्या पाठिंब्यावरून भाजपमध्येच दोन गट, वरिष्ठांची डोकेदुखी वाढली, अमरावतीत नवा ट्वि्स्ट

अमरावती: अमरावती महानगरपालिकेच्या महापौरपदाची निवडणूक अवघ्या पाच दिवसांवर आली असताना, सत्तेच्या गणितापेक्षा भाजपमधील अंतर्गत गटबाजीने राजकारण तापले आहे. २५ जागा जिंकून सर्वात मोठा पक्ष ठरलेल्या भाजपमध्ये आता महापौर पदासाठी आणि सत्ता स्थापन करण्यासाठी कोणाचा पाठिंबा घ्यायचा, यावरून दोन गट पडले आहेत. एका बाजूला सत्तेची समीकरणे जुळवताना राजकीय पक्षांच्या नेत्यांना ताण येतो. मात्र, अमरावतीत भाजपबाबत उलट स्थिती असल्याचे दिसून येत आहे.