Amravati: अमरावती पोलीस कॉन्स्टेबल पत्नी हत्या प्रकरणाला नवे वळण, SRPF नवऱ्याने 2 मित्रांनाच दिली होती सुपारी

तीन दिवसांपूर्वी १ ऑगस्ट रोजी आशा धुळे यांची राहत्या घरात गळा दाबून हत्या करण्यात आली होती.  या हत्येचा कट राज्य राखीव पोलीस दलात कार्यालयात असलेला आरोपी पती राहुल तायडे नेच रचला होता. घरात चोरीचा बनाव रचला. त्यानंतर आरोपी श्रेयस महल्ले आणि ओम शिकार हे दोघे १ ऑगस्टला घरात घुसले आणि आशा धुळे यांचा गळा दाबून खून केला.  दोन आरोपी तोंडाला बांधून जाताना सीसीटीव्ही कॅमेऱ्यामध्ये कैद झाले आहे.

रोपी राहुल तायडेचं 4- 5 वर्षापासून बाहेरील एका महिलेशी प्रेम प्रकरण होतं. त्यातून सतत घरी पत्नी आशासोबत वाद होत होता. आ याआधी देखील पत्नी आशा धुळे यांनी त्याच्याविरोधात पोलिसांत तक्रार केली होती. विशेष म्हणजे, राहुल तायडे आणि आशा यांचा प्रेमविवाह झाला होता. या दोघांनाही बारा वर्षांचा एक मुलगा आणि एक मुलगी आहे. 13 वर्षांपूर्वी या दोघांचाही प्रेम विवाह झाला होता. पण राहुल बाहेर एका महिलेच्या प्रेमात पडला. बायको सारखी विरोध करत असल्यामुळे त्याने शांत डोक्याने तिचा काटा काढण्याचा कट रचला. शुक्रवारी घरात चोरी झाली यावेळी करून पत्नीची हत्या झाली, असा बनवा राहुलने रचला होता. पोलिसांनी तपास सुरू केला आणि २४ तासांमध्ये  राहुल तायडेला अटक केली होती.