Sourav Ganguly : कोण आहे उत्तम साहा? ज्याच्यावर सौरव गांगुलीने ठोकला 50 कोटींचा मानहानीचा दावा

कोलकाता : टीम इंडियाचा माजी क्रिकेटपटू सौरव गांगुली सध्या चांगलाच संतापला आहे. बंगाल क्रिकेट असोसिएशनचा विद्यमान अध्यक्ष गांगुलीने कोलकात्याच्या लालबाजारमध्ये उत्तम साहा यांच्याविरुद्ध मानहानीचा खटला दाखल केला आहे. सौरव गांगुलीने साहाकडून 50 कोटी रुपयांची नुकसानभरपाईची मागणी केली आहे. साहाच्या विधानांमुळे प्रतिमा मलिन झाली आहे. माझ्यावरील आरोप निराधार आहेत आणि आपला याच्याशी काहीही संबंध नाही, असं गांगुली म्हणाला आहे. गांगुलीने साहाच्या विधानांना अपमानजनक आणि बदनामीकारक म्हटले आहे. लिओनेल मेस्सीच्या कार्यक्रमासाठी स्टेडियममध्ये मी पाहुणा म्हणून होतो आणि त्याचा कार्यक्रम आयोजकांशी काहीही संबंध नव्हता, असं वक्तव्य गांगुलीने केलं आहे.