Thane: ठाण्यात क्लबमध्ये भीषण आग, लग्न सोहळ्यात घडला प्रकार, घटनास्थळाचा VIDEO

मिळालेल्या माहितीनुसार,  ठाण्यातील घोडबंदर रोड परिसरात ही घटना घडली आहे. या परिसरात  ब्लू रुफ नावाचा क्लब आहे. या क्लबमध्ये गुरुवारी एक लग्न सोहळा पार पडत होता. पण, लग्न समारंभात फायर वर्क सुरू असताना अचानक स्फोट झाला आणि आग लागली. बघता बघता आग सर्वत्र पसरली. या आगीत काही जण अडकल्याची भीती वर्तवली जात आहे.

घटनेची माहिती मिळताच अग्निशमन दलाच्या गाड्या घटनास्थळी दाखल झाल्या आहेत. आग विझवण्याचं काम युद्ध पातळीवर सुरू आहे. आग कशामुळे लागली याचं कारण अद्याप समजू शकलं नाही. लग्न सोहळा सुरू असताना घडलेल्या घटनेमुळे सर्वत्र एकच गोंधळ उडाला आहे. आगीमध्ये किती लोक अडकले, याची माहिती अद्याप समोर आली नाही. घटनास्थळी अग्निशमन दलाच्या गाड्या दाखल झाल्या असून आग विझवण्याचं काम युद्ध पातळीवर सुरू आहे.