शाळेतून परतताना काळानं गाठलं, एकाच गावच्या दोन शिक्षकांचा मृत्यू, अमरावतीत भीषण अपघात

अपघात एवढा भीषण होता की दोन्ही वाहनांचे मोठे नुकसान झाले. पुढील भाग पूर्णपणे खिळखिळा झाला होता. त्यामुळे त्यांना बाहेर काढण्यासाठी स्थानिक ग्रामस्थ व बचाव पथकांना मोठ्या प्रमाणात मदत घ्यावी लागली. घटनास्थळीच सरोदे व मेश्राम यांचा मृत्यू झाल्याचे डॉक्टरांनी सांगितले.

या अपघातात वासंती सरोदे यांचे पती तसेच इतर तीन जण गंभीर जखमी झाले आहेत. सर्व जखमींना तातडीने अमरावतीतील खासगी रुग्णालयात दाखल करण्यात आले असून, त्यांच्यावर उपचार सुरू आहेत. अपघातानंतर मार्डी रोडवर काही काळ वाहतूक विस्कळीत झाली. पोलिसांनी घटनास्थळी धाव घेत दोन्ही वाहने बाजूला करून रस्त्यावरची वाहतूक सुरळीत केली. धडक नेमकी कशी झाली यासंदर्भात पोलिसांकडून अधिक तपास सुरू आहे. त्यासाठी सीसीटीव्ही फुटेज व प्रत्यक्षदर्शींची माहिती घेतली जात आहे.