Amaravati Crime : जन्मदात्रीवरच घेतला संशय; आईसोबत भावलाही संपवलं, अमरावतीत संतापजनक घटना

अमरावती जिल्ह्यातील मोर्शी शहरातील शिवाजीनगर येथे आई आपल्या दोन मुलांसह (कापसे कुटुंब) राहत होते. पती नसल्याने संसाराचा गाडा नीलिमा कापसे यांच्यावर होता. नीलिमा कापसे या शासकीय कार्यालयात काम करून घर चालवायत होत्या. संसाराचा गाडा सुरळीत सुरू असताना, नीलिमा कापसे यांचा मुलगा सौरभला आपल्या आईचे दुसऱ्या पुरुषासोबत अनैतिक संबंध असल्याचा संशय होता. सौरभने कटकारस्थान रचून आपल्या आई आणि भावाला संपवण्याचा निर्णय घेतला. यासाठी त्याने नवीन शक्कल लढवली. आधी खाण्याच्या भाजीमध्ये धोत्र्याच्या बिया टाकल्या. ज्याने आई आणि भावाची प्रकृती खालावली. त्यानंतर दोघांनाही घरी आणून सलाईन लावली. या सलाईनमध्ये गुंगीधारक आणि झोपेचे औषध इंजेक्शनने सलाईनमध्ये सोडले.