‎Chhatrapati Sambhajinagar : आई रोज येते… पण पिल्लांना घेऊन जात नाही; 2 निष्पाप जीवांचे भवितव्य धोक्यात‎

‎छत्रपती संभाजीनगर : वैजापूर तालुक्यातील बिरोळा–जीरी परिसरात दहा दिवसांपूर्वी ऊसतोडीच्या कामात असलेल्या मजुरांना दोन बिबट्याची पिल्ले दिसून आली. अज्ञानातून या पिल्लांना काहींनी हाताळल्याची माहिती पुढे येताच वनविभागाने त्यांना ताब्यात घेऊन त्यांच्या आईपर्यंत पुन्हा पोहोचवण्यासाठी जोरदार प्रयत्न सुरू केले आहेत. मात्र, या पिल्लांना मानवाचा स्पर्श झाल्याने मादी रोज रात्री त्या ठिकाणी येऊनही त्यांना घेऊन निघत नसल्याने परिस्थिती अधिक गुंतागुंतीची बनली आहे. स्थानिकांमध्येही या घटनेबद्दल उत्सुकता आणि चिंता दोन्ही निर्माण झाली आहे.