राष्ट्रवादीचा आसरा, म्हणूनच आंदेकरांनी हातपाय पसरले, आयुषच्या आईच्या आरोपावर अजितदादांची कठोर भूमिका

पुणे :  सांस्कृतिक शहर अशी ओळख असलेल्या पुण्यनगरीत आता कोयता गँगचा धुडगूस, गाड्या फोडल्या, गोळीबार झाला... अशा बातम्या नित्त्याच्या झाल्या आहेत. वरकरणी गुन्हेगारीवर चर्चा होत असली तरी गुंडांना पडद्याआडून राजकीय आशीर्वाद मिळतोच, हे खुले गुपित (ओपन सिक्रेट) आहे. पुण्यात सध्या आंदेकर-कोमकर यांच्यातील टोळीयुद्धाच्या खमंग चर्चा होत असताना आंदेकरांचे राजकीय संबंध नजरेआड करून चालणार नाही. याच आंदेकरांनी पुण्याचे 'भाई' सुरेश कलमाडी यांना प्लॅकमेल करून वत्सला आंदेकर यांना शहराचे महापौरपद द्यायला भाग पाडले होते, अशी अधूनमधून राजकीय वर्तुळात चर्चा होते. पुढे पुण्यात काँग्रेसला घरघर लागल्यानंतर आंदेकर कुटुंबाने राष्ट्रवादीचा आसरा घेऊन राजकीय स्थान बळकट केले. आंदेकरांच्या राजकीय संबंधांवर राज्याचे उपमुख्यमंत्री अजित पवार यांना विचारले असता त्यांनी पत्रकारांचीच शाळा घेतली.