Pandharpur Wari: असं कुणी वागतं का? चोपदाराने महिला वारकऱ्याला धक्का देऊन पाडलं, VIDEO व्हायरल

मिळालेल्या माहितीनुसार, आळंदी इथं ही घटना घडली आहे.  आळंदी देवस्थानमधील एका चोपदाराचा हा व्हिडीओ आहे. गुरुवारी सकाळी पंढरपूर ठाकूर बाबा रिंगण सोहळ्यात मोठ्या संख्येनं वारकरी जमा झाले होते. रिंगण सोहळा सुरू होता. यावेळी  बाळासाहेब नावाच्या चोपदाराचा एक व्हिडीओ समोर आला.

रिंगणाच्या जवळ एक महिला वारकरी डोक्यावर तुळशी घेऊन चालत होती. त्यावेळी या बाळासाहेब चोपदाराने या महिलेला पाठीमागून जोरात ढकललं. जोरात ढकलल्यामुळे ही महिला वारकरी खाली बसलेल्या पोलिसांच्या अंगावर पडली. 'ऐकू येत नाही का, मध्ये कशाला येते' असं म्हणत बाळासाहेब या चोपदाराने या महिला धक्का देऊन खाली पाडलं. या महिलेला खाली बसलेल्या पोलिसांनी कसं बसं पकडलं. ही महिला खाली पडल्यानंतरही बाळासाहेब हा महिला वारकऱ्यावर ओरडत असल्याचं व्हिडीओमध्ये दिसून येत आहे. महिलेला धक्का दिल्याचं पाहून तिथं उपस्थितीत असलेले इतर लोक धावून आले आणि बाळासाहेब चोपदाराला तिथून घेऊन गेले.

पण या महिलेला दिलेल्या वाईट वागणुकीमुळे तिथे उपस्थितीत इतर लोकांनी तीव्र संताप व्यक्त केला. विशेष म्हणजे, ही महिला रिंगणाच्या बाजूने चालत येत होती. पाठीमागून धावत येऊन बाळासाहेब चोपदाराने या महिलेला धक्का देऊन खाली पाडलं. व्हिडीओमध्ये स्पष्ट दिसत आहे की, पाठीमागून घोडा येत नव्हता. तरीही बाळासाहेब चोपदाराने हा प्रकार केला. या घटनेचा व्हिडीओ सोशल मीडियावर व्हायरल झाला आहे. काही दिवसांपूर्वी आळंदीमध्ये अशाच एका चोपदाराचा उद्धटपणाचा व्हिडीओ व्हायरल झाला होता.