Baramati: हॉटेल बाहेर गाडी पार्किंगच्या कारणावरून राडा, तरुणावर लाठ्या काठ्यांनी हल्ला

२९ नोव्हेंबर रोजी सकाळी मानस पाटील (रा. तानाई नगर, बारामती) हे त्यांच्या मित्रांसह उदय, कुश, साहिल, मनिष, चैतन्य, ओंकार आणि स्वयम हे हॉटेलमध्ये जेवणासाठी आले होते. यावेळी पार्किंगवरून अनोळखी मुलांशी वाद झाला. त्यानंतर आरोपीदेखील हॉटेलमध्ये जेवण्यासाठी बसले. दरम्यान त्यांनी फोन करून ८-१० जणांना बाहेरून बोलावले.

फिर्यादी पाटील जेवण करून बाहेर येताच आरोपींनी अचानक काठ्या, लोखंडी गज आणि दगडांनी हल्ला चढवला. दगड फेकून गाडीच्या काचा फोडण्यात आल्या. मानस पाटील आणि त्यांच्यासोबतच्या मित्रांना मारहाण करण्यात आली. फिर्यादीवर जीवे मारण्याच्या उद्देशाने डोक्यात दगड आणि गजाने हल्ला केल्याचे पोलिसांनी सांगितले आहे.