Beed News : दोन लग्न झालेल्या व्यक्तीचा शेजारच्या मुलीवर जडला जीव, फूस लावून नेलं पळवून

दोन लग्न झालेल्या 40 वर्षांच्या व्यक्तीने शेजारच्याच 16 वर्षांच्या अल्पवयीन मुलीला आमिष दाखवून पळवून नेल्याचा धक्कादायक प्रकार बीडच्या परळी तालुक्यात उघडकीस आला आहे. यासंदर्भात सिरसाळा पोलीस ठाण्यात नराधम आरोपी विरोधात गुन्हा दाखल करण्यात आला आहे. मात्र गुन्हा दाखल होवूनही मुलगी व आरोपीचा शोध लावला जात नाही असा आरोप पिढीत कुटुंबानं केलाय. या संदर्भात कुटुंबानं जिल्हाधिकारी कार्यालयासमोर आमरण उपोषण सुरू केलं आहे.

दरम्यान, नातेवाइकांनी 20 ऑक्टोबर 2023 ला संशयिताविरुद्ध गुन्हा दाखल केला. आरोपीच्या अटकेची मागणी कुटुंबाकडून केली जात आहे. कुटुंबीयांनी माजलगावचे उपविभागीय पोलिस अधिकारी, अंबाजोगाईच्या अपर पोलीस अधीक्षकांकडे धाव घेतली. त्यांना लेखी तक्रार व निवेदन दिलं. त्यांनीही काहीच कार्यवाही केली नाही, असा आरोप करीत कुटुंबीयांनी आता जिल्हाधिकारी कार्यालयासमोर उपोषण सुरू केलंय.

अशा विचित्र घटना कायमच समोर येत असतात. लग्न होऊनही मुले मुली समोरच्या कुटुंबाला फसवतात. त्यांच्या जाळ्यात ओढून फरार होतात. देशाच्या वेगवेगळ्या ठिकाणाहून अशा घटना समोर येत असतात.