'येणारा काळ मुलांसाठी अतिशय कठीण...', मराठा आरक्षणासाठी आणखी एक बळी, मुलांच्या शिक्षणाच्या चिंतेत संपवलं आयुष्य

बीड: राज्यात आरक्षणाचा मुद्दा दिवसेंदिवस तापत चालला आहे. आरक्षणाच्या प्रश्नावरून सुरू असलेली अस्वस्थता, आंदोलनं आणि संघर्षाची मालिका आता आणखी एका जीवावर बेतली आहे. बीड तालुक्यातील आहेर धानोरा येथील संतोष अर्जुन वळे (वय 39) यांनी आरक्षण मिळत नसल्याची खदखद व्यक्त करत अखेर विष प्राशन करून आत्महत्या केली. तब्बल चार दिवस मृत्यूशी झुंज दिल्यानंतर शुक्रवारी जिल्हा रुग्णालयात त्यांचा मृत्यू झाला. या घटनेमुळे संपूर्ण परिसरात हळहळ व्यक्त केली जात आहे.