बीडमध्ये तुफान राडा, मायलेकीसह 3 महिलांना बेदम मारहाण, 5 जणांकडून लोखंडी रॉडने हल्ला

सुरेश जाधव, प्रतिनिधी बीड: बीड जिल्ह्यात जागेच्या वादातून एकाच कुटुंबातील मायलेकींसह तिघींवर लोखंडी पाईप आणि रॉडने हल्ला झाल्याची धक्कादायक घटना घडली आहे. पाच जणांच्या टोळक्याने केलेल्या या हल्ल्याचा व्हिडिओ सध्या सोशल मीडियावर व्हायरल होत आहे. या हल्ल्यामध्ये दोन महिला गंभीर जखमी झाल्या असून त्यांच्यावर जिल्हा रुग्णालयात उपचार सुरू आहेत.