वंशाला दिवाच हवा, तीन मुली झाल्या म्हणून सासरच्याचं सुनेसोबत भयानक कृत्य, लेकरं आईविना पोरकी!

बीड: सध्याच्या काळात देखील काही ठिकाणी वंशाचा दिवा म्हणून मुलगाच हवा असा अट्टहास असल्याचे दिसते. बीड जिल्ह्यातून एक धक्कादायक प्रकार समोर आला आहे. मुलासाठी सासरी होत असलेल्या छळाला कंटाळून विवाहितेने टोकाचे पाऊल उचलले. तीन मुली झाल्याने पतीला दुसरे लग्न करण्याची संमती द्यावी, यासाठी तिचा मानसिक आणि शारीरिक छळ होत होता. त्यामुळे तिने किटकनाशक पिऊन आत्महत्या केली. भक्ती अमोल कोरडे असे मृत विवाहितेचे नाव असून या प्रकरणी पतीसह सासू आणि सासऱ्याविरोधात गुन्हा दाखल करण्यात आला आहे.