बीडमध्ये मध्यरात्री रक्तरंजित राडा, तरुणाने मित्राच्या छातीत खुपसला चाकू, कारण समोर

Beed Crime News:  बीड शहरालगत असलेल्या पालवण रोड परिसरात एक धक्कादायक घटना उघडकीस आली आहे. इथं एका तरुणाने आपल्या मित्राच्या छातीत चाकू खुपसून त्याची निर्घृण हत्या केली आहे. मित्राला शिवी दिल्याच्या रागातून तरुणाने ही हत्या केल्याची माहिती समोर आली आहे. मंगळवारी रात्री उशिरा साडेअकराच्या सुमारास ही खुनाची घटना घडली. यानंतर आरोपी आपल्या मामाच्या गावी पळून गेला होता. त्याठिकाणी तो एका शेतात लपून बसला होता. पण भूक लागल्यानंतर तो बाहेर येताच पोलिसांनी त्याला बेड्या ठोकल्या.