Trending:

BMC Election Result: ठाकरेंचा गेम कुणी बिघडवला? 'त्या' वॉर्डांमधील आकडे पाहून तुम्हीही चक्रावून जाल!

Written by:Shrikant Bhosale

Last Updated:Jan 16, 2026 8:15 PM IST

BMC Election Results : मुंबईतील अनेक वॉर्डांमध्ये काँग्रेस आणि वंचित बहुजन आघाडीच्या (VBA) युतीचा थेट फटका शिवसेना (UBT) आणि ठाकरे बंधूंना बसल्याचे स्पष्ट होत आहे.

इम्पॅक्ट शॉटतुमचा गेटवे लेटेस्ट न्यूज

ठाकरेंचा गेम कुणी बिघडवला? 'त्या' वॉर्डांमधील आकडे पाहून तुम्हीही चक्रावून जाल!

मुंबई: मुंबई महानगरपालिकेच्या मतमोजणीत आता एक अत्यंत महत्त्वाचे समीकरण समोर येत आहे. ज्या 'मतांच्या विभाजनाची' (Vote Split) भीती राजकीय वर्तुळात व्यक्त केली जात होती, तीच भीती आता खरी ठरताना दिसत आहे. मुंबईतील अनेक वॉर्डमध्ये काँग्रेस आणि वंचित बहुजन आघाडीच्या (VBA) युतीचा थेट फटका शिवसेना (UBT) आणि ठाकरे बंधूंना बसल्याचे स्पष्ट होत आहे.

मुंबईत शिवसेना (ठाकरे), काँग्रेस आणि राष्ट्रवादी (शरद पवार) यांच्यात आघाडीची घोषणा असली, तरी प्रत्यक्षात जागावाटपाचा तिढा सुटला नाही. परिणामी अनेक वॉर्डांत मविआचे दोन-तीन उमेदवार परस्परविरोधी उभे राहिले. या परिस्थितीत मतांची विभागणी झाली आणि भाजपला कमी मताधिक्यानेही अनेक जागांवर विजय मिळवता आला.

नेमकं समीकरण काय बिघडलं?

या निवडणुकीत काँग्रेसने महाविकास आघाडीतून बाहेर पडत प्रकाश आंबेडकरांच्या 'वंचित'सोबत हातमिळवणी केली होती. या नव्या 'मुंबई विकास आघाडी'ने प्रामुख्याने मुस्लीम आणि दलित बहुल वॉर्डांमध्ये आपली ताकद लावली.