मुंबईत नेत्यांच्या पोरांना दणके, मुंबईतले ५ हादरवणारे निकाल, डॅडी अरूण गवळींची पोरगी पडली, मलिकांचा भाऊही हरला

मुंबई : मुंबई महापालिकेचे निकाल हाती यायला सुरुवात झाली आहेत. या निकालात मुंबईतील सर्वपक्षीय प्रस्थापित नेत्यांना मतदारांनी मोठे धक्के दिले आहेत. महापालिका निवडणुकांत घराणेशाहीचा मुद्दा चर्चेत असताना सर्वपक्षीयांना मतदारांनी चपराक दिल्याचे बोलले जाते. राज्याचे उपमुख्यमंत्री एकनाथ शिंदे यांना मुंबईत तीन मोठे धक्के बसले. खासदार रविंद्र वायकर यांची कन्या, राहुल शेवाळे यांची वहिनी तसेच सदा सरवणकर यांच्या मुलाला पराभवाला सामोरे जावे लागले आहे. तर नवाब मलिक यांचे बंधू कॅप्टन मलिक यांनाही पराभवाची धूळ चाखावी लागली.