VIDEO : बुलडाण्यात 'आलिया अजब वरात'! ना डीजे, ना बँड-बाजा तरी वरात पाहूनच नाचाल

खामगाव तालुक्यातील राहुड येथील नवरा आणि नांदुरा तालुक्यातील जिगाव येथील नवरी यांचा लग्नसोहळा संपन्न झाला. त्यांच्या लग्नाचं आकर्षण ठरलं ते त्यांची वरात. एरवी बँड-बाजासह वरात घेऊन नवरदेव नवरीला घ्यायला तिच्या दारात येतो. इथं मात्र टाळ-मृदुंगाच्या गजरात नवरदेव नवरीला घ्यायला आला.

लग्नाच्या या वरातीत शेकडो वारकरी सहभागी झाले होते. वरातीत वारकऱ्यांसह नवरदेवानंही टाळ-मृदुंगाच्या तालावर ताल धरल्याचं दिसलं आहे.

टाळ - मृदुंगाच्या गजरात नवरदेवाने आपली मिरवणूक काढत लग्न उरकले आणि त्यावर विनाकारण होणारा हजारो रुपयांचा खर्च टाळला. या दाम्पत्याने ज्या पद्धतीने हजारो रुपयांची उधळपट्टी रोखली ते कौतुकास्पद आहे.

@shefooodie इन्स्टाग्राम अकाऊंटवर हा व्हिडीओ पोस्ट करण्यात आला होता. तुम्ही अशी कोणती लग्नाची अनोखी वरात पाहिली होती का? आम्हाला आमच्या सोशल मीडियाच्या कमेंट बॉक्समध्ये नक्की सांगा.