VIDEO : दोस्ताक् काळजी! मॉर्निंग वॉकला आला नाही म्हणून मित्र पोहचले बँड बाजा घेऊन

बुलढाणा जिल्ह्यात एका मित्राने मॉर्निंग वॉकला तीन दिवसापासून दांडी मारल्यानं मित्रांनी एक अफलातून शक्कल लढवली आहे. थेट बँड बाजा घेऊन मॉर्निंग वॉकला न येणाऱ्या मित्राच्या घरी ते पोहोचले. बँड बाजा वाजवत या मित्राला पहाटे पहाटे जागं करून मॉर्निंग वॉकला येण्यासाठी आवाहन त्यांनी केलं.

बुलढाणा जिल्ह्यातील मेहकर येथील काही मित्र दररोज मॉर्निंग वॉक साठी जात होते. मात्र त्यांच्यापैकी एक मित्र तीन दिवसापासून मॉर्निंग वॉकला दांडी मारत असल्यानं या मित्रांनी शक्कल लढवली. अगदी पहाटे या मित्राच्या घरी बँड बाजा वाजवत त्याला झोपेतून जागे करण्याचा प्रयत्न या मित्रांनी केला आहे. आणि मॉर्निंग वॉक शरीर स्वास्थ्यासाठी किती महत्त्वाचं असतं याचं महत्त्व पटवून देत या मित्राला पुन्हा एकदा मॉर्निंग वाकला येण्याचं आवाहन या मित्रांकडून करण्यात आले आहे. या संपूर्ण प्रकाराचा एक व्हिडिओ सोशल मीडियावर व्हायरल होत असल्याचे पाहायला मिळत आहे.

दरम्यान, हे प्रकरण सध्या चर्चेत आलं असून सोशल मीडियावरही वाऱ्यासारखं पसरत आहे. मित्रांची अनोखी शक्कल अनेकांना आवडली. काहींनी मित्र असावे तर असे, असं म्हटलं. मित्राला मोटीवेट करण्यासाठी फीटनेसचं महत्त्व पटवून देण्याची ही आयडिया चांगली चर्चेचा विषय ठरतेय.